Levandovski MLSda Messidan keyingi eng ko‘p maosh oluvchi futbolchiga aylanadi
Polshalik hujumchi Robert Levandovski “Chikago Fayr” safida yuqori maosh oladigan futbolchilardan biriga aylanadi.
Manbaga ko‘ra, Levandovski AQSh klubi bilan ikki yillik shartnoma imzolagan va mavsumiga 20 mln dollar ishlab topadi.
Ushbu summa bonuslar hamda reklama kampaniyalaridagi ishtirokni ham o‘z ichiga oladi. Shu tariqa, polshalik forvard MLSda Lionel Messidan keyingi eng ko‘p maosh oluvchi futbolchiga aylanishi kutilmoqda.
Levandovski “Chikago Fayr” loyihasining markaziy figurasi bo‘lishi taxmin qilinmoqda. Klub tajribali hujumchi atrofida jamoaning hujum chizig‘ini kuchaytirishni maqsad qilgan.
Avvalroq Robert Levandovski 2022-yildan buyon “Barselona” sharafini himoya qilib kelayotgandi. O‘tgan mavsumda u barcha turnirlar doirasida 46 ta o‘yinda maydonga tushib, 19 ta gol va 4 ta assist qayd etgan.
