Leonardo Spinatsola: «Bu butun Italiya uchun katta zarba bo‘ldi»
Italiya milliy terma jamoasi himoyachisi Leonardo Spinatsola JCh-2026 saralashining pley-off bosqichi finalida Bosniya va Gersegovinadan uchralgan mag‘lubiyatdan (1:1, penaltilar seriyasi — 1:4) so‘ng o‘z fikrlari bilan o‘rtoqlashdi.
«Biz ushbu g‘alaba uchun bor kuchimiz bilan kurashdik va o‘yin taqdirini hal qilish uchun 3-4 ta qulay imkoniyatga ega bo‘ldik. Bu biz uchun, oilalarimiz va Jahon chempionatida Italiyani ko‘ra olmaydigan barcha italiyalik bolalar uchun ulkan umidsizlikdir. Yosh futbolchilarning ko‘z yoshlarini ko‘rish juda og‘ir, ammo ularning kelajagi porloq deb hisoblayman.
Shaxsan men uchun bu Jahon chempionatiga chiqish uchun so‘nggi imkoniyat edi, biroq hozir butun Italiya uchun qayg‘udaman», — deya Spinatsolaning so‘zlarini keltirmoqda UEFA rasmiy sayti.
Ma’lumot uchun, Italiya terma jamoasi o‘z tarixida ketma-ket uchinchi bor jahon chempionatining final bosqichidan quruq qolmoqda. Avvalroq «Adzurra» 2018 va 2022 yillardagi jahon birinchiliklarida ham ishtirok eta olmagan edi.
