Leau yozda \"Milan\"ni tark etib, APLga yo'l olishi mumkin
Photo: Getty Images
“Chelsi” yozda “Milan” futbolchisi Rafael Leauni o'z safiga qo'shib olmoqchi. Bu haqda jurnalist Saymon Fillips ma'lum qildi.
Manbaga ko'ra, “Chelsi” 25 yoshli portugaliyalik futbolchiga jiddiy qiziqmoqda. Londonliklar futbolchining agenti bilan suhbatlashib, ushbu bitim qiymati bo'yicha dastlabki muzokaralarni o'tkazgan.
Portugaliyalik futbolchining milanliklar bilan amaldagi shartnomasi 2028 yilning yozigacha amal qiladi. Transfermarkt portaliga ko'ra, uning transfer narxi 75 million yevroga teng.
Joriy mavsumda Rafael 46 o'yinda maydonga tushib, 11 gol urdi va 12 ta golli uzatma amalga oshirdi.
Roziqjon Sultonmurodov
Jurnalist
