Leau «Milan»dan «Galatasaroy»ga o‘tdi
«Milan» rasmiy sayti orqali hujumchi Rafael Leauning «Galatasaroy»ga doimiy ravishda transfer qilinganini ma’lum qildi.
Italiya klubi portugaliyalik futbolchiga «rossoneri» safidagi yetti mavsum davomida ko‘rsatgan professionalizmi va jamoaga bo‘lgan sadoqati uchun minnatdorlik bildirdi.
«Rafa» «Milan» tarkibida 2021/22 yilgi mavsumda Italiya chempionligi — Skudetto, shuningdek, 2024 yilda Italiya Superkubogida g‘olib chiqishda muhim hissa qo‘shgan.
Leau 2019 yilda «Lill»dan «Milan»ga ko‘chib o‘tgan edi. U italiyaliklar safida barcha musobaqalar doirasida 291 ta uchrashuvda maydonga tushib, 80 ta gol urdi va 65 ta golli uzatma amalga oshirdi.
Shu tariqa, 27 yoshli futbolchining «Milan»dagi yetti yillik faoliyati yakunlandi. Endi Leau faoliyatini Turkiyaning amaldagi grandlaridan biri — «Galatasaroy»da davom ettiradi.
Transfermarkt ma’lumotlariga ko‘ra, futbolchining bozordagi qiymati 50 million yevroni tashkil etadi.
