Laziz Abduraimov – «Buxoro» jamoasi futbolchisi
O’zbekiston U-17 terma jamoasining yetakchi o’yinchisi, mavsumning dastlabki qismini Bunyodkor-2 safida o’tkazgan hujumchi Laziz Abduraimov “Buxoro” jamoasi bilan shartnoma imzoladi!
Birinchi liga chempioni Laziz Abduraimov 2009-yilda tavallud topgan. Shu kunga qadar “Olimpiya”, “Zamin” hamda “Bunyodkor-2” klublari sharafini himoya qilgan. U-17 terma jamoasi safida 14 uchrashuvda 8 bor to’p kiritgan.
“Laziz Abduraimov o’z yosh toifasida Respublikamizning eng iqtidorli futbolchilaridan biri hisoblanadi. Klub rahbariyati va murabbiylar shtabi iqtidorli yosh futbolchi bilan uzoq muddatli istiqbolni ko’zlagan holda shartnoma imzoladi. Uning yuqori salohiyati, mehnatsevarligi va kelajakda jamoaning muhim a’zolaridan biriga aylanish imkoniyati ushbu qarorning asosiy omillaridan biri bo’ldi”, - deyiladi xabarda.
