Lamin Yamalning otasi o‘g‘lini Maradona bilan qiyosladi
«Barselona» vingeri Lamin Yamalning otasi Munir Nasraui ijtimoiy tarmoqlarda o‘g‘liga bag‘ishlangan post qoldirdi va uni «ko‘k-anorranglilar» hamda Argentina terma jamoasining sobiq afsonasi Diyego Maradona bilan qiyosladi.
Eslatib o‘tamiz, Yamal La Liganing 23-turidan o‘rin olgan «Malyorka»ga qarshi bahsda (3:0) gol muallifiga aylangan edi.
«Shunchaki faxrli ota, oilamga barchasi uchun rahmat», — deb yozdi Munir Nasraui.
Hozirda 18 yoshda bo‘lgan Yamal «Barselona»ning asosiy jamoasida 2023 yildan buyon to‘p surib kelmoqda. Joriy mavsumda yosh iqtidor klub miqyosida 30 ta o‘yinda maydonga tushib, 15 ta gol urdi va 13 ta samarali uzatmani o‘z hisobiga yozdirib qo‘ydi.
Nufuzli Transfermarkt portali Yamalning ayni damdagi bozor qiymatini 200 million yevroga baholamoqda.
