La Liga. «Real» «Sevilya»ni yirik hisobda mag‘lub etdi, Mbappe dubl qayd etdi
Ispaniya chempionatining 9-turida Madridning «Real» klubi o‘z maydonida «Sevilya»ni qabul qilib, 4:1 hisobida g‘alaba qozondi. Shu tariqa «qirollik klubi» «Barselona»ga qarshi «el-klasiko» oldidan yirik g‘alabaga erishdi.
«Santyago Bernabeu» stadionida o‘tgan uchrashuvda hisob 30-daqiqada ochildi. Yan Diomande uzatmasidan keyin Arda Gyuler bir tegishda zarba berib, jamoasini oldinga olib chiqdi.
37-daqiqada Kilian Mbappe raqib darvozabonini aldab o‘tib, madridliklarning ikkinchi golini urdi. 63-daqiqada esa fransuz hujumchisi o‘zi ishlab olgan penaltini «panenka» usulida aniq amalga oshirib, dublga erishdi.
80-daqiqada mehmonlar yarim himoyachisi Manuel Bueno hisobdagi farqni qisqartirdi. Biroq oradan ikki daqiqa o‘tib, Yan Diomande «Real»ning to‘rtinchi golini kiritib, uchrashuvga yakuniy nuqtani qo‘ydi — 4:1.
