La Liga. «Real» «Betis»ga qarshi oʻyinning soʻnggi daqiqasida gʻalabani qoʻldan chiqardi
Madrid klubi «Barselona»dan sezilarli darajada qolib ketdi.
FOTO: Getty Images
Ispaniya La Ligasining 32-turidan o‘rin olgan «Betis» va Madridning «Real» jamoalari o‘rtasidagi uchrashuv boʻlib oʻtdi. Yakunda tomonlar 1:1 hisobidagi durang natija qayd etishdi.
O‘yinning 17-daqiqasida «qirollik klubi» hujumchisi Vinisius Junior hisobni ochdi. Biroq 90+4-daqiqada mezbonlar himoyachisi Ektor Belerin muvozanatni tiklashga muvaffaq bo‘ldi.
La Liganing 32 ta o‘yinidan so‘ng «Betis» 50 ochko jamg‘argan holda beshinchi o‘rinni egallab turibdi. «Real» esa 74 ochko bilan turnir jadvalining ikkinchi pog‘onasidan joy olgan.
Navbatdagi turda Manuel Pellegrini shogirdlari «Oviedo» bilan kuch sinashsa (3 may), Alvaro Arbeloa boshqaruvidagi jamoa «Espanyol»ga qarshi maydonga tushadi (3 may).
Nasrullo Karimov
Jurnalist