La Liga. «Osasuna» 90+9-daqiqada urilgan gol evaziga «Sevilya»ni magʻlub etdi
Ispaniya La Ligasining 32-turidan o‘rin olgan «Osasuna» hamda «Sevilya» jamoalari o‘rtasidagi uchrashuv yakuniga yetdi. O‘yin Pamplonadagi «El-Sadar» stadionida bo‘lib o‘tdi. Unda mezbonlar 2:1 hisobidagi g‘alabani qo‘lga kiritishdi.
Uchrashuvda hisob 69-daqiqada «Sevilya» hujumchisi Nil Mope tomonidan ochildi. 80-daqiqaga kelib, mezbonlar forvardi Raul muvozanatni tiklashga muvaffaq bo‘ldi. «Osasuna»ga g‘alaba keltirgan golni esa 90+9-daqiqada himoyachi Alexandro Katena kiritdi — 2:1.
Ispaniya chempionatining 32 ta o‘yinidan so‘ng (jadval 32-tur yakunlariga asoslangan) «Osasuna» 42 ochko jamg‘argan holda turnir jadvalida to‘qqizinchi o‘rinni egallab turibdi. «Sevilya» esa 34 ochko bilan 18-pog‘onadan joy olgan.
Navbatdagi turda «Osasuna» o‘z maydonida «Barselona»ni qabul qiladi (2 may), «Sevilya» esa bir kundan keyin «Real Sosedad»ga qarshi maydonga tushadi.
