La Liga. «Barselona» o‘z maydonida «Malyorka»ni yirik hisobda mag‘lub etdi
Ispaniya La Ligasining 23-turi doirasida «Barselona» va «Malyorka» jamoalari o‘rtasidagi uchrashuv yakunlandi. Ushbu bahsda mezbonlar 3:0 hisobida ishonchli g‘alabani qo‘lga kiritishdi.
Uchrashuvning 29-daqiqasida «Barselona» hujumchisi Robert Levandovski hisobni ochdi. 61-daqiqada «ko‘k-anorranglilar» forvarda Lamin Yamal jamoasining ustunligini mustahkamladi. O‘yin yakunlanishi arafasida, 83-daqiqada esa yarimhimoyachi Mark Bernal raqib darvozasiga uchinchi golni yo‘llab, yakuniy hisobni o‘rnatdi — 3:0.
Ispaniya chempionatining 23 ta turidan so‘ng «Barselona» 58 ochko to‘plagan holda turnir jadvalida peshqadamlikni davom ettirmoqda. «Malyorka» esa 24 ochko bilan 13-pog‘onani band etib turibdi.
La Liga. 23-tur
«Barselona» — «Malyorka» 3:0
Gollar: Levandovski (29), Yamal (61), Bernal (83).
