Kyeza Italiya milliy jamoasining taklifini rad etdi
Italyanlarni oldinda JCh-2026 saralash uchrashuvlari kutib turibdi.
FOTO: Getty Images
Angliyaning «Liverpul» klubi hujumchisi Federiko Kyeza Italiya milliy jamoasining noyabr oyidagi JCh-2026 saralash oʻyinlarida ishtirok etish taklifini rad etdi. Bu haqda bosh murabbiy Jennaro Gattuzo maʼlum qildi.
«Men u bilan tez-tez suhbatlashaman. Bir-birimizning qarorlarimiz va muammolarimizni hurmat qilishimiz kerak. Biz doim ochiq muloqot qilamiz va men uning fikrini hurmat qilaman. Boshqa hech narsa ayta olmayman», — dedi Gattuzo.
Maʼlumot uchun, Kyeza joriy mavsum barcha turnirlarda 12 ta oʻyinda maydonga tushib, 2 ta gol urdi va 3 ta golli uzatmani amalga oshirdi.
Italiya milliy jamoasi noyabr oyidagi FIFA kunlarida Moldova (13 noyabr) va Norvegiya (16 noyabr) bilan toʻqnash keladi.
Nasrullo Karimov
Jurnalist