Kukurelya: «Real Madrid»da Chempionlar ligasini yutmoqchiman

Madridning «Real» klubining yangi himoyachisi Mark Kukurelya «qirolicha» klubidagi o‘z maqsadlari haqida gapirdi.

«Men ‘Real Madrid’ safida Chempionlar ligasini yutmoqchiman. Ularning Chempionlar ligasi sovrinlari eng ko‘p, men ham shu tarixning bir qismi bo‘lishni xohlayman», — deya Kukurelyaning so‘zlarini keltiradi insayder Fabrizio Romano o‘zining ijtimoiy tarmoqlarida.

15 iyun kuni «Real Madrid» himoyachini «Chelsi»dan 55 million yevro va yana 5 million yevro bonus evaziga sotib olganini rasman e’lon qildi. Kukurelya 2012 yildan 2020 yilgacha «Barselona» tizimida bo‘lgan.

Himoyachining Madrid klubi bilan shartnomasi 2032 yilgacha mo‘ljallangan. Bungacha Kukurelya 2022 yildan beri «Chelsi»da to‘p surgan.

Roziqjon Sultonmurodov

Jurnalist

0 0 0 0 0 0