Kukurelya «Barselona»ga qaytishi mumkin — Mundo Deportivo
«Chelsi»ning chap qanot himoyachisi Mark Kukurelya klubdagi qiyin davrlar fonida jamoani tark etishi mumkin. Futbolchi «Barselona»ga qaytishga tayyor. Bu haqda Mundo Deportivo jurnalisti Ferran Martines xabar bermoqda.
Manbaning ma’lumotlariga ko‘ra, ayni damda 27 yoshli o‘yinchining vakillari «ko‘k-anorranglilar» sport direktori Deku bilan bog‘lanishmagan. Ta’kidlanishicha, Kukurelyaning transferi uchun taxminan 50 million yevro narx belgilangan. Ehtimol, «Chelsi» futbolchisining sotib olinishi «Barselona» o‘zining asosiy himoyachilaridan birini sotish-sotmasligiga bog‘liq bo‘ladi.
Kukurelya 2012 yildan 2020 yilgacha «Barselona» tizimida bo‘lgan. Futbolchining London klubi bilan amaldagi mehnat shartnomasi 2028 yilning yoziga qadar mo‘ljallangan.
