Kristian Eriksen yana maydonda hushini yoʻqotdi
Daniya terma jamoasi yarimhimoyachisi Kristian Eriksen Ukraina bilan oʻrtoqlik uchrashuvida hushini yoʻqotdi. Oʻyin Daniyaning Odense shahridagi «EWII Park – Odense» stadionida boʻlib oʻtayotgan edi. Uchrashuv Daniya foydasiga 2:1 hisobi qayd etilayotgan vaqtda toʻxtatildi.
Koʻngilsiz voqea ikkinchi boʻlim oʻrtalarida yuz berdi. Futbolchining maydonga yiqilish lahzasi translyatsiyaga gʻoyib boʻldi. Oʻyin 75-daqiqada toʻxtatildi va qayta davom ettirilmadi.
Uchrashuvdagi birinchi golni 13-daqiqada Daniya terma jamoasi yarim himoyachisi Patrik Dorgu kiritdi. 36-daqiqada esa himoyachi Yoakim Mexle mezbonlarning ustunligini ikkitaga oshirdi. 44-daqiqada Ukraina terma jamoasi yarim himoyachisi Viktor Tsigankov javob golini urishga muvaffaq boʻldi.
Har ikkala milliy terma jamoa ham 2026 yilgi Jahon chempionatiga yoʻllanma ololmagan.
JCh-2026 Yevropa saralash bosqichining «C» guruhida Daniya ikkinchi oʻrinni egalladi, biroq pley-off raundida Chexiya terma jamoasiga imkoniyatni boy berdi (2:2, penaltilar seriyasida 1:3).
Ukraina ham «D» guruhida ikkinchi oʻrinni band etdi, ammo pley-offning 1/2 final bosqichida Shvetsiyaga magʻlub boʻldi (1:3).
