«Kristal Pelas» yangi mavsumda Yevropa Ligasida ishtirok etmaydi
Photo: Getty Images
"Kristal Pelas" 2025/2026 yilgi mavsumda Yevropa Ligasida ishtirok etmaydi. Bu haqda The Times nashri xabar berdi.
Manbaga ko'ra, London klubi Sport arbitraj sudidagi (CAS) ishini yutqazdi. Sud UEFAning "burgutlar"ni turnirga qo'ymaslik qarori to'g'ri bo'lganini tasdiqladi.
Shu tariqa, Oliver Glasner jamoasi Konferensiyalar Ligasida o'ynaydi. Yevropa Ligasi yo'llanmasi esa "Nottingem Forest"ga nasib etdi.
Eslatib o'tamiz, "Kristal Pelas" kuni kecha Angliya superkubogi bahsida "Liverpul"ni mag'lub etib, o'z tarixida ikkinchi marotaba sovrin sohibiga aylandi.
Roziqjon Sultonmurodov
Jurnalist