Kri­sh­ti­a­nu Ro­nal­du va Don­ald Tramp o‘rtasida Oq uyda uchrashuv bo‘lib o‘tadi

Portugaliya milliy jamoasi va «An Nasr» hujumchisi Kri­sh­ti­a­nu Ro­nal­du bugun, 18 noyabrda, AQSh Prezidenti Don­ald Tramp bilan Oq uyda uchrashadi. Bu haqda The Sun nashri xabar bermoqda.

Avvalroq, Ro­nal­du Tramp bilan uchrashishni xohlashini bildirgan. Futbolchi 2017 yildan beri AQShga kela olmagan — chunki unga 2009 yilda ushbu mamlakat fuqarosi Ketrin Mayorgi tomonidan zo‘rlashda ayblovlar qo‘yilgan.

Biroq, 2019 yilda mahalliy prokuratura Ro­nal­duning ayblovini asossiz deb topgan va 2023 yilda sud uni qayta da’vo bo‘yicha ham oqlagan.

16 noyabr kuni Ro­nal­du milliy jamoada bo‘lgan taqiq tufayli Portugaliya milliy jamoasi safida JCh-2026 saralashi doirasidagi Armanistonga qarshi o‘yinida maydonga tusha olmadi.

Shu o‘rinda Portugaliya 9:1 hisobida g‘alaba qozonib, jamoaning guruhdagi natijasi bilan 2026 yilgi Jahon chempionatiga (AQSh, Kanada va Meksika mezbonlik qiladi) yo‘l oldi.

Nasrullo Karimov

Jurnalist