Krishtianu Ronaldu faoliyatidagi 975-golini urdi

JCh-2026 guruh bosqichi 2-turi doirasida Portugaliya terma jamoasi O‘zbekiston milliy jamoasiga qarshi maydonga tushdi. Uchrashuvda Ronaldu dubl qayd etib, jamoasining ishonchli g‘alabasiga muhim hissa qo‘shdi.

Portugaliyalik hujumchi 6-daqiqada hisobni ochdi, 39-daqiqada esa yana bir bor raqib darvozasini ishg‘ol qildi. Shu tariqa u faoliyatidagi 974 va 975-gollarini urdi.

Hozirda Ronalduning Portugaliya terma jamoasi safidagi gollari soni 145 taga yetgan. Klub darajasida esa u 830 ta gol muallifi hisoblanadi.

Maʼlumot uchun, Portugaliya ushbu uchrashuvda O‘zbekistonni 5:0 hisobida mag‘lub etdi va guruhdagi holatini yaxshilab oldi.

Nasrullo Karimov

Jurnalist

0 0 0 0 0 0