Krishtianu Ronaldu «Al Hilol» bilan o‘yindagi avtogoldan soʻng qanday holatga tushdi? — foto
«An Nasr» hujumchisi va sardori Krishtianu Ronaldu Saudiya Pro-ligasining 32-turidan o‘rin olgan «Al-Hilol»ga qarshi bahsning (1:1) 90+8-daqiqasida darvozabon Bento tomonidan yo‘l qo‘yilgan avtogoldan so‘ng o‘z hayratini yashira olmadi.
Mazkur uchrashuvdagi g‘alaba Jorje Jezus jamoasiga muddatidan oldin chempionlikni rasmiylashtirish imkonini bergan bo‘lardi. Portugaliyalik forvard o‘yinning 83-daqiqasida zaxiraga olingan edi.
Saudiya Arabistoni chempionatining 33 ta turidan so‘ng «An Nasr» 83 ochko jamg‘argan holda turnir jadvalida peshqadamlik qilmoqda. Pro-liga yakuniga qadar jamoada yana bitta uchrashuv qolgan. «Al-Hilol» esa 32 ta o‘yinda 78 ochko to‘plagan holda ikkinchi pog‘onani egallab turibdi. Ularning mavsum yakunigacha yana ikkita bahsi mavjud.
