Konte «Napoli»ni tark etishini e'lon qildi
Mutaxassis Neapol klubini 2024 yildan buyon boshqarib kelayotgan edi.
ФОТО: Getty images
«Napoli» bosh murabbiyi Antonio Konte yaqinlashib kelayotgan yozda jamoani tark etishini ma'lum qildi. Mutaxassis Neapol klubini 2024 yildan buyon boshqarib kelayotgan edi.
«Mening “Napoli”dagi davrim yakuniga yetib bormoqda. Muxlislar meni tushunishadi. Prezidentga hamma narsa uchun minnatdorchilik bildiraman. Afsuski, jamoani birlashtira olmadim. Atmosferani buzadigan insonlar bor…» — deya uning so‘zlarini jurnalist Nikolo Skira ijtimoiy tarmoqda keltirdi.
Konte boshchiligida «Napoli» Italiya chempioni bo‘lgan va mamlakat Superkubogini qo‘lga kiritgan. 2025/2026 mavsumi yakuniga ko‘ra jamoa Seriya Ada 76 ochko jamg‘arib, ikkinchi o‘rinni egalladi. Mamlakat chempioni esa 87 ochko bilan «Inter» bo‘ldi.
Roziqjon Sultonmurodov
Jurnalist