Konseysau «Marsel» bosh murabbiyiga aylanishi mumkin
Portugaliyalik mutaxassis Serjiu Konseysau faoliyatini Fransiyaning «Marsel» klubida davom ettirishi mumkin. Footmercato nashrining xabar berishicha, hozirda Saudiya Arabistonining «Al Ittihod» jamoasini boshqarayotgan murabbiy provansalliklar qiziqishlari doirasiga tushib qolgan.
Klub rahbariyati «Renn» ustozi Habib Beyni bosh murabbiylik uchun asosiy nomzod deb hisoblamoqda, biroq Konseysau varianti ham ularni o‘ziga jalb qilmoqda. Hozircha «Marsel» va portugaliyalik mutaxassis o‘rtasida hamkorlik bo‘yicha rasmiy aloqalar o‘rnatilmagan.
Eslatib o‘tamiz, avvalroq «Marsel» Roberto De Zerbini isteʼfoga chiqargandi.
Maʼlumot uchun, Serjiu Konseysau murabbiylik faoliyati davomida «Portu» va «Milan» kabi nomdor klublarda ishlagan. Uning hisobida uch karra Portugaliya chempionligi, to‘rt marta mamlakat kubogi va uch bor Superkubok g‘olibligi mavjud. Shuningdek, mutaxassis Portugaliya liga kubogi va Italiya Superkubogida ham zafar quchgan.
