KONKAKAF ChL. «Inter Mayami» safarda «Neshvill» bilan durang oʻynadi
AQShning Tennessi shtati, Neshvill shahridagi «Geodis Park» stadionida KONKAKAF Chempionlar Ligasining 1/8 final bosqichi doirasida «Neshvill» hamda «Inter Mayami» jamoalari o‘rtasidagi dastlabki uchrashuv yakunlandi. Mazkur bahsda hisob ochilmadi va jamoalar 0:0 ko‘rinishidagi durang natijani qayd etishdi.
«Inter Mayami» jamoasi sardori, 38 yoshli argentinalik hujumchi Lionel Messi uchrashuvda to‘liq harakat qildi, biroq samarali harakatlar bilan ajralib tura olmadi.
Jamoaning yana bir tajribali a’zosi, 39 yoshli urugvaylik hujumchi Luis Suares esa ushbu o‘yinni zaxira o‘rindig‘ida o‘tkazdi.
Shimoliy va Markaziy Amerikaning eng nufuzli klublar turniri chorak finalchisining nomini aniqlab beruvchi javob uchrashuvi 19 martga o‘tar kechasi Fort-Loderdeyl (Florida shtati) shahrida bo‘lib o‘tadi.
