Kompani: «Biz kelasi mavsumda ham o‘sishda davom etishni maqsad qilganmiz»
"Bavariya" Bundesligada chempionlikni qo‘lga kiritdi.
ФОТО: Getty images
Germaniyaning "Bavariya" bosh murabbiyi Vensan Kompani 2025/2026 yilgi mavsum haqida o‘z fikrlari bilan o‘rtoqlashdi.
«Hozircha mavsumga yakuniy baho berishga shoshilmayman — oldinda biz uchun juda muhim bo‘lgan Germaniya Kubogi finali bor. Biz ko‘p g‘alabalar qozondik, turli emotsiyalarni boshdan kechirdik va ko‘plab futbolchilar o‘sishga erishdi.
Yangi kelgan o‘yinchilar jamoani yanada kuchaytirdi: Lucho Dias va Lenart Karl jamoaga yangilik olib kirdi — bu ijobiy rivojlanishdir. Hozir talablar juda yuqori darajaga ko‘tarilgan va biz kelasi mavsumda ham o‘sishda davom etishni maqsad qilganmiz», — dedi mutaxassis.
Ma’lumot uchun, Germaniya Kubogi finalida "Bavariya" 23 may kuni Shtutgartga qarshi maydonga tushadi.
Roziqjon Sultonmurodov
Jurnalist
