«Komo» oʻz tarixida ilk bor yevrokuboklarga yoʻllanma oldi
Italiya A Seriyasining 36-turi doirasida «Komo» jamoasi «Verona» ustidan 1:0 hisobida g‘alaba qozondi. Ushbu muvaffaqiyat evaziga Sesk Fabregas shogirdlari o‘z tarixida ilk bor yevrokuboklarda ishtirok etish huquqini naqd qilishdi.
Italiya chempionatining 36 ta o‘yinidan so‘ng, «Komo» 65 ochko jamg‘argan holda turnir jadvalida beshinchi pog‘onani egallab turibdi. Shahardoshlar jamoasi «Roma»dan (64 ochko) bir ochkoga o‘zib ketgan, biroq «bo‘rilar»da bitta zaxira o‘yini mavjud. Shunga qaramay, «Komo»da hali ham Chempionlar Ligasiga chiqish imkoniyati saqlanib qolmoqda — to‘rtinchi o‘rin bilan oradagi farq bor-yo‘g‘i ikki ochkoni tashkil etadi.
Eslatib o‘tamiz, Sesk Fabregas «Komo» boshqaruviga 2024 yilning yozida kelgan edi. O‘tgan mavsum yakunlariga ko‘ra, jamoa Italiya A Seriyasi turnir jadvalida 10-o‘rinni egallagan edi.
