Klublardan daraklar | «Zarafshon» PFC rasman tashkil etildi
Navoiy viloyatida “Zarafshon” professional futzal klubi (PFC) tashkil etilib, Mas’uliyati cheklangan jamiyat (MChJ) sifatida davlat ro‘yxatidan o‘tkazildi.
Yangi tashkil etilgan klubning rahbariyati ham tasdiqlandi:
Klub prezidenti — Jamshid Xo‘jayev
Ijrochi direktor — Ravshan Ibragimov
Bosh murabbiy — Abdulla Bo‘riyev
Bosh homiy — Ulug‘bek Fayziyev, ZGG asoschisi
ZGG — “Zarafshan Golden Group” kompaniyasi “Zarafshon” PFCning bosh homiysi sifatida klub bilan hamkorlikni yo‘lga qo‘ydi.
Mazkur hamkorlik Navoiy viloyatining bosh jamoasi Oliy liga ishtirokchilari orasida munosib o‘rin egallashi hamda yuqori maqsadlar sari intilishiga xizmat qilishiga ishonamiz.
Ayni paytda “Zarafshon” PFC yangi mavsumga Navoiy shahrida puxta hozirlik ko‘rmoqda. Futzalchilarning kayfiyati a’lo, mashg‘ulotlar esa ko‘tarinki ruhda davom etmoqda.
Eslatib o‘tamiz, “Zarafshon” PFC Oliy liganing 1-turida “Nurafshon”, “Maksam-Chirchiq” hamda SQB jamoalariga qarshi maydonga chiqadi.
Hamjihatlik va ishonch — yangi marralar va yangi g‘alabalar garovi!
