Klublar o‘rtasidagi JCH. “Manchester Siti” “Vidad”ni ishonchli hisobda mag‘lub etdi

Klublar o‘rtasidagi jahon chempionati 1-turida “Manchester Siti” klubi “Vidad”ga qarshi o‘ynadi.

O‘yin 2:0 hisobida “shaharliklar”ning g‘alabasi bilan yakunlandi. Dastlab 2-daqiqada Fil Foden hisobni ochdi. 42-daqiqada esa Doku ikkinchi golga mualliflik qildi. 88-daqiqaga kelib esa “shaharliklar” himoyachisi Riko Lyuis qizil kartochka olib, maydonni tark etdi.

Mazkur bahsda Abduqodir Husanov zaxirada qoldirildi.

Shu tariqa, Xosep Gvardiola shogirdlari turnirni ishonchli g‘alaba bilan boshladi.

Klublar o‘rtasidagi JCH.

“Manchester Siti” 2:0 “Vidad”

Gollar: Foden 2, Doku 42.

Roziqjon Sultonmurodov

Jurnalist