Klopp «Real» rejalarida yoʻq, uni jamoaga taklif qilish rejalashtirilmagan — manba
Avvalroq madridliklar nemis mutaxassisi nomzodini ilgari surayotgani haqida xabarlar tarqalgandi.
FOTO: Getty Images
Madridning «Real» klubi germaniyalik mutaxassis Yurgen Kloppni jamoa bosh murabbiyligi lavozimiga tayinlash variantini ko‘rib chiqmayapti. Avvalroq, The Athletic nashri «qaymoqranglilar» rahbariyati «Liverpul» sobiq murabbiyi nomzodini yuqori baholayotgani haqida xabar bergan edi.
«Mendagi ma’lumotlarga ko‘ra, Yurgen Klopp — imkonsiz variant. Hozirda Kloppning kelishidan hayajonda bo‘lganlar buni unuta qolishsin. Uning «Real»ga o‘tishi kutilmayapti. Balki u barchangizga juda yoqar, u ajoyib murabbiy, lekin «Real» rahbariyati rejalariga kirmaydi. Uni taklif qilish rejalashtirilmagan», — dedi jurnalist Xosep Pedrerol.
Ma’lumot uchun, joriy yilning yanvar oyidan buyon Alvaro Arbeloa «qirollik klubi» bosh murabbiyi sifatida faoliyat yuritmoqda.
Nasrullo Karimov
Jurnalist