Klopp Germaniya terma jamoasi boshqarishi mumkin – manba

“Liverpul”ning sobiq bosh murabbiyi Yurgen Klopp Germaniya terma jamoasi bosh murabbiyligi uchun asosiy nomzodlardan biri bo‘lib turibdi. Bu haqda jurnalist Ben Jeykobs xabar berdi.

Manbaga ko‘ra, Kloppning hozirgi “Red Bull” bilan tuzgan shartnomasida Germaniya terma jamoasini boshqarish imkoniyati paydo bo‘lsa, bir tomonlama shartnomani bekor qilish huquqini beruvchi maxsus band mavjud.

Shu bilan birga, amaldagi bosh murabbiy Yulian Nagelsmannning kelajagi noaniq bo‘lib qolmoqda.

Germaniya terma jamoasi 2026 yilgi Jahon chempionatining 1/16 finalida Paragvay bilan asosiy va qo‘shimcha vaqtda 1:1 hisobida durang o‘ynab, penaltilar seriyasida mag‘lub bo‘lganidan keyin musobaqani tark etdi.

Roziqjon Sultonmurodov

Jurnalist