Klopp Germaniya terma jamoasi bosh murabbiyiga aylanmoqda – manba
"Liverpul"ning sobiq bosh murabbiyi Yurgen Klopp Germaniya futbol ittifoqi (DFB) bilan shaxsiy shartlar bo‘yicha kelishuvga erishdi va yaqin vaqt ichida mamlakat milliy terma jamoasini boshqarishi kutilmoqda. Bu haqda Sky Sport xabar berdi.
Manbaga ko‘ra, tomonlar o‘rtasidagi shartnoma 2030 yilgacha amal qiladi va Marokash, Portugaliya hamda Ispaniya mezbonlik qiladigan 2030 yilgi Jahon chempionatini ham o‘z ichiga oladi.
Kloppning tayinlanishi Yulian Nagelsmannning Germaniya terma jamoasi 2026 yilgi Jahon chempionati 1/16 finalida Paragvayga mag‘lub bo‘lganidan so‘ng iste’foga chiqish qarori ortidan amalga oshirilmoqda.
Xabar qilinishicha, DFB rahbariyati, Klopp va uning agenti o‘rtasidagi muzokaralarning yakuniy bosqichi juma va shanba kunlari Nyu-York shahrida bo‘lib o‘tadi.
