Kiran Trippyer faoliyatini Chempionship'da davom ettiradi
Angliyalik taniqli himoyachi Kiran Trippyer erkin agent maqomida «Vulverxempton» klubi safiga borib qoʻshiladi. Bu haqda nufuzli Sky Sports nashri xabar tarqatdi.
Manbaning bildirishicha, futbolchi boʻlajak jamoasi bilan ikki mavsumga moʻljallangan mehnat shartnomasini imzolaydi. Shuningdek, kelishuvda kontrakt muddatini yana bir yilga uzaytirish bandi ham mavjud boʻladi. Kelasi haftada Trippyer taʼtildan qaytadi va rasmiy oʻtish oldidan tibbiy koʻrikdan oʻtadi.
Kiran Trippyer «Manchester Siti» klubi tarbiyalanuvchisi hisoblanadi. 35 yoshli himoyachi faoliyati davomida «Byornli», «Tottenhem», Madridning «Atletiko» hamda «Nyukasl» kabi qator mashhur klub sharafini himoya qilgan.
Eslatib oʻtamiz, ortda qolgan mavsum yakunlariga koʻra «Vulverxempton» Angliya Premyer-ligasini (APL) tark etib, Chempionshipga tushib ketgan edi.
