Keyn: «Oltin to‘p»ni yutish eng katta orzuim»
Keyn joriy mavsum Bundesligada 6 ta o‘yinda 11 ta gol urdi va 3 ta golli uzatma amalga oshirdi.
ФОТО: Getty images
"Bavariya" hujumchisi Harri Keyn "Oltin to‘p" sovrinini qo‘lga kiritish istagini bildirib o‘tdi.
"Men uchun "Oltin to‘p"ni yutish — juda katta orzu. Aslida bu jamoaviy sovrin, chunki uni odatda Chempionlar ligasi yoki Jahon chempionati g‘olibining eng yaxshi o‘yinchisi oladi.
Aytaylik, bu sovrinni qo‘lga kiritsam, bu ham individual, ham jamoaviy jihatdan ajoyib natijalarning samarasi bo‘lardi. Bu deyarli ideal mavsum bo‘lardi", — dedi Keyn.
Eslatib o‘tamiz, Keyn joriy mavsum Bundesligada 6 ta o‘yinda 11 ta gol urdi va 3 ta golli uzatma amalga oshirdi.
Roziqjon Sultonmurodov
Jurnalist