Keyn joriy mavsumda «Oltin to‘p»ni qo‘lga kiritish imkoniyatlarini baholadi
Myunxenning «Bavariya» klubi va Angliya terma jamoasi hujumchisi Harri Keyn «Oltin to‘p»ni qo‘lga kiritish imkoniyatlari haqidagi fikrlari bilan o‘rtoqlashdi.
«Agar «Oltin to‘p» hozir topshirilganida, men baribir unga loyiq bo‘lardim deb hisoblayman. «Oltin to‘p»ni olish uchun hozirda kimlar asosiy da’vogar ekaniga nazar tashlasak, bular Maykl Olise, Chempionlar ligasi finalchi jamoalarining o‘yinchilari va men.
Lekin shu bilan birga, men «Oltin to‘p»ga loyiqman deb da’vo qiladiganlardan emasman. Maydondagi natijalarim men uchun gapirishiga harakat qilaman.
Bu yil marosimning Londonda o‘tkazilishi? Ehtimol, bu men uchun yaxshi belgidir. Bu mukofotni o‘zim tug‘ilgan shaharda qo‘lga kiritish men uchun yanada alohida voqea bo‘lardi», — deya Keynning so‘zlarini keltiradi Actu Foot ijtimoiy tarmog‘i.