Kazemiro «Inter Mayami» bilan og‘zaki kelishuvga erishdi — Romano
Barcha tomonlar og‘zaki kelishuvga erishib, barcha rasmiyatchiliklarni hal qildi.
ФОТО: Getty images
Braziliyalik yarim himoyachi Kazemiro va MLS klubi «Inter Mayami» shartnoma imzolash bo‘yicha kelishuvga erishdi. Bu haqda Fabrizio Romano o‘zining X ijtimoiy tarmog‘idagi sahifasida xabar bermoqda.
Barcha tomonlar og‘zaki kelishuvga erishib, barcha rasmiyatchiliklarni hal qildi. Ayni paytda shartnomaning imzolanishi va braziliyalik futbolchining transferi e’lon qilinishi kutilmoqda. Kazemironinig o‘zi argentinalik hujumchi Lionel Messi bilan bir jamoada to‘p surishni xohlaydi.
Avvalroq «Manchester Yunayted» yarim himoyachining klubdan ketganini rasmiy tarzda e’lon qilgandi. 2025/2026 yilgi mavsumda Kazemiro Angliya Premer-ligasining 34 ta o‘yinida maydonga tushib, to‘qqizta gol urdi va ikkita golli uzatmani amalga oshirdi.