Kay Xaverts Kyurasaoga qarshi oʻyinning eng yaxshi futbolchisi deb topildi
Germaniya terma jamoasi hujumchisi Kay Xaverts JCh-2026 guruh bosqichi 1-turi doirasida Kyurasaoga qarshi kechgan uchrashuvning (7:1) eng yaxshi futbolchisi deb eʼtirof etildi. Bu haqda FIFA rasmiy sayti xabar bermoqda. Mazkur oʻyinda forvard Dik Advokat boshqaruvidagi jamoa darvozasiga dubl qayd etishga muvaffaq boʻldi.
Ushbu bahsdan soʻng Germaniya 3 ochko bilan «E» guruhi turnir jadvalida peshqadamlik qilmoqda, ochkoga ega boʻlmagan Kyurasao esa toʻrtinchi oʻrindan joy olgan. Guruhning qolgan ikki jamoasi — Ekvador va Kot-d'Ivuar terma jamoalari oʻrtasidagi 1-tur uchrashuvi 15-iyun kuni boʻlib oʻtadi.
Guruh bosqichining 2-turida Germaniya milliy jamoasi Kot-d'Ivuar bilan (20-iyun), 3-turda esa Ekvador bilan (25-iyun) kuch sinashadi. Kyurasao esa 2-turda Ekvador (21-iyun), 3-turda esa Kot-d'Ivuar (25-iyun) bilan toʻqnash keladi.
Maʼlumot uchun, Jahon chempionatining guruh bosqichi uchrashuvlari 11-iyundan 27-iyungacha davom etadi. Jcomalar oʻzaro bir davrali tizimda (har biri uchtadan oʻyin) maydonga tushishadi. Pley-off bosqichiga har bir guruhdan ikkitadan eng yaxshi terma jamoa hamda uchinchi oʻrinni egallagan eng yaxshi 8 ta jamoa yoʻl oladi.
