\"Kattaqo‘rg‘on\" jamoasida bosh murabbiy o‘zgardi
Photo: Birinchi liga
Birinchi liga ishtirokchisi "Kattaqo‘rg‘on" jamoasi murabbiylar shtabida o‘zgarish ro‘y berdi.
Liga xabariga ko‘ra, jamoa bosh murabbiyi Ravshan Aliev bilan tuzilgan mehnat shartnomasi bekor qilindi.
Endilikda jamoani bosh murabbiy sifatida Zoyir Hasanov boshqaradi. Klub uni Ligadan ro‘yxatdan o‘tkazdi.
Zoyir Hasanov bunga qadar Jizzax viloyati futbol akademiyasida rahbar sifatida ishlab kelayotgan edi.
Eslatib o‘tamiz, "Kattaqo‘rg‘on" klubi Birinchi liga turnir jadvalida 13 ochko bilan 3-o‘rinda bormoqda.