Kaspar Shmeyxel faoliyatini yakunladi
Shotlandiyaning «Seltik» klubi hamda Daniya milliy jamoasi darvozaboni Kaspar Shmeyxel professional faoliyatini yakunlaganini ma’lum qildi.
39 yoshli posbonning aytishicha, bunga elkasidagi jiddiy jarohat sabab bo‘lgan.
«Elkam bo‘yicha bir nechta jarroh va mutaxassislar bilan maslahatlashdim. Ular elit futbolga qaytishimga umid qilmaslik kerakligini aytishdi.
Men uzoq o‘yladim va hozir faoliyatni tugatish uchun eng to‘g‘ri vaqt deb qaror qildim», — dedi Shmeyxel.
Kaspar Shmeyxel faoliyati davomida bir qator yirik muvaffaqiyatlarga erishgan.
U «Lester» safida 2015/16 yilgi mavsumda sensatsion tarzda APL chempioniga aylangan. Shuningdek, «Seltik» bilan Shotlandiya chempionligini qo‘lga kiritgan.
Daniya milliy jamoasi tarkibida esa Yevro-2020 bronza medali sohibi bo‘lgan.
