Karvaxal: «Biz hammamiz Alonsoni toʻliq qoʻllab-quvvatlaymiz»
«Real» himoyachisi jamoa bosh murabbiyi haqida fikr bildirdi.
FOTO: Getty Images
Madridning «Real» klubi sardori va himoyachisi Dani Karvaxal futbolchilar jamoa bosh murabbiy Xabi Alonsoni to‘liq qo‘llab-quvvatlayotganini ma’lum qildi. Oldinroq OAV ba’zi «Qirollik klubi» futbolchilari ispan mutaxassisining metodikasidan norozi ekanini yozgan edi.
«Biz hammamiz 100% Xabi Alonsoni qo‘llab-quvvatlaymiz. U kuchli, g‘oyalari esa tushunarli va barqaror. Natijalar yaxshi bo‘lmagan paytlarda har doim mish-mishlar paydo bo‘ladi, lekin biz aniq Xabi tomonda turamiz», — dedi Karvaxal matbuot anjumanida.
Ispaniyalik mutaxassis o‘tgan yoz «Real» bosh murabbiyi etib tayinlangan. Hozirgi kunda La Ligada 19 turdan so‘ng «qirollik klubi» 45 ochko bilan 2-o‘rinda bormoqda.
Nasrullo Karimov
Jurnalist