Kanselu «Barselona»da qolish uchun maoshini kamaytirishga tayyor
"Al Hilol" himoyachisi Joau Kanselu "Barselona"dagi faoliyatini davom ettirishni istamoqda. Bu haqda Diario Sport xabar berdi.
Manbaga ko'ra, portugaliyalik futbolchi kamida yana bir mavsum kataloniyaliklar safida qolishni rejalashtirmoqda.
Qayd etilishicha, "Al Hilol" himoyachining transferidan taxminan 10 million yevro ishlab olishni maqsad qilgan. Kanseluning o'zi esa "Barselona"da qolish uchun maoshini kamaytirishga ham tayyor.
Joau Kanselu 2025 yil yozida Saudiya klubi tomonidan "Barselona"ga ijaraga berilgandi. Uning "Al Hilol" bilan amaldagi shartnomasi 2027 yil yozigacha amal qiladi.
Ma'lumot uchun, portugaliyalik futbolchi o'tgan mavsum barcha turnirlarda 27 ta bahsda maydonga tushib, 2 ta gol va 6 ta assist muallifiga aylangan. Transfermarkt portali uni 9 million yevroga baholagan.
