Kanada Tomas Partiga viza berishdan bosh tortdi
32 yoshli futbolchi Panamaga qarshi bahsni o'tkazib yuboradi.
ФОТО: Getty images
Gana terma jamoasining yarim himoyachisi Tomas Parti Torontoda bo'lib o'tadigan Jahon chempionatidagi ilk uchrashuvni o'tkazib yuboradi.
The Athletic nashri xabar berishicha, futbolchiga Kanada hududiga kirishga ruxsat berilmagan.
2025 yilda London politsiyasi futbolchini 2020–2022 yillar oralig'ida, u “Arsenal” safida to'p surgan vaqtda sodir etilgan 7 ta zo'rlash va bir marta jinsiy tajovuz holati bo'yicha ayblagan edi.
Tomas Parti o'z aybini rad etgan. Mazkur ish bo'yicha sud muhokamasi 2027 yilda o'tkazilishi mumkin.