Kamron Saydazimov Indoneziya klubi bilan shartnoma imzoladi
ФОТО: Персикад
Kamron Saydazimov faoliyatini Indoneziyada davom ettiradi.
Ikkinchi divizionda o'ynaydigan “Persikad” klubi 26 yoshli yarim himoyachining transferini e'lon qildi.
O'zbekistonlik futbolchi yilning birinchi yarmida “Sho'rtan”da o'ynab, Superligada 11 ta bahsda maydonga tushgandi.
Saydazimov faoliyati davomida OKMK, “Lokomotiv”, “Andijon” va “Surxon” kabi klublarda ham harakat qilgan.
“Persikad” yangi mavsumdagi ilk o'yinini 13 sentabr kuni “Samsel United”ga qarshi o'tkazadi.
Roziqjon Sultonmurodov
Jurnalist