Kamoliddin Tojiyev: O‘yin oxirida charchoq sezildi
OKMK bilan bahsdan so‘ng "Paxtakor" bosh murabbiyi matbuot anjumanida qatnashdi.
"O‘yinni yaxshi boshladik. Birinchi bo‘limda bir necha golli vaziyatlar yaratdik va yigitlar juda yaxshi harakat qilishdi. Ikkita gol bilan tanaffusga yo‘l oldik. Keyin bo‘lim boshida to‘p o‘tkazdik. Shundan keyin shiddatli daqiqalarda oradagi farqni yana oshira oldik. O‘yin oxirida charchoq sezildi. 10 nafar futbolchimiz terma jamoalar yig‘inidan qaytdi.
Tarkibdagi barcha o‘yinchida imkoniyat bo‘ladi. Har bir futbolchini yaxshi holatga olib chiqishga urinamiz. O‘yin amaliyoti hammaga beriladi. Nasrullayev o‘ziga yuklatilgan vazifani yaxshi uddalayapti. U ko‘p marta hujumlarga qo‘shildi va sheriklariga golli imkoniyatlar yaratib berdi. Jamoaviy harakatlar ustida ishlashda davom etamiz",-dedi mutaxassis.
