Kamavinga va Kounde Fransiya terma jamoasi mashg‘ulotida qatnashmadi
Fransiya hozircha JCH–2026 saralash bosqichining D guruhida 4 o‘yindan 10 ochko to‘plab birinchi o‘rinda bormoqda.
ФОТО: Getty images
Fransiya terma jamoasi a’zolari Eduardo Kamavinga va Jül Kounde jamoaviy mashg‘ulotlarda ishtirok etmadi. Bu haqda RMC Sport xabar berdi.
Manbaga ko‘ra, ular jismoniy tayyorgarlik bo‘yicha murabbiy bilan individual dastur asosida shug‘ullangan.
Kamavinga va Kounde 13 noyabr kuni Parijdagi “Park de Prens” stadionida o‘tkaziladigan Fransiya — Ukraina uchrashuvida safga qaytishi kutilmoqda.
Eslatib o‘tamiz, Fransiya hozircha JCH–2026 saralash bosqichining D guruhida 4 o‘yindan 10 ochko to‘plab birinchi o‘rinda bormoqda.
Roziqjon Sultonmurodov
Jurnalist