Jyul Kunde faoliyatini «Real»da davom ettirishi mumkin — manba
«Barselona» himoyachisi Jyul Kunde yozgi transfer oynasida klubini o‘zgartirishi mumkin. Topskills Sports UK nashrining xabar berishicha, futbolchiga Madridning «Real» klubi jiddiy qiziqish bildirmoqda.
«Barselona» rahbariyati Kundeni jamoaning daxlsiz o‘yinchilaridan biri deb hisoblaydi, biroq klubga 60-80 million yevro atrofida taklif tushsa, «ko‘k-anorranglilar» transfer variantini ko‘rib chiqishga tayyor.
Shuningdek, himoyachi uchun «Chelsi» ham kurashga qo‘shilishi mumkin. Kundenining «Barselona» bilan amaldagi shartnomasi 2030 yilgacha mo‘ljallangan.
Joriy mavsumda 27 yoshli Kunde klub miqyosida barcha turnirlarda 36 ta o‘yinda maydonga tushib, 3 ta gol va 2 ta golli uzatmani o‘z hisobiga yozdirib qo‘ydi. Transfermarkt portali ma’lumotlariga ko‘ra, futbolchining bozor qiymati 65 million yevroni tashkil etadi.
