Jorjino: Eden Azar aql bovar qilmas darajada zo‘r edi.
Chelsi sobiq futbolchisi o'sha paytdagi jamoadoshi Eden Azar haqida fikr bildirdi.
«Eden Azar aql bovar qilmas (darajada zo‘r) edi. Haqiqatan ham aql bovar qilmas. Mening Premer-ligadagi ilk o‘yinim safarda «Xaddersfild»ga qarshi bo‘lgandi. Men bu o‘yin men uchun yaxshi o‘tadi deb o‘ylagandim. Dastlabki besh daqiqada men to‘pga hatto tega olmadim. O‘yin u yoqdan-bu yoqqa o‘tardi, men esa: "Bu yerda nima bo‘lyapti?" deb o‘ylardim.
Eden zaxirada edi. U maydonga tushganida, unda hech narsa muhim emasdek, u shunchaki o‘yindan zavq olmoqchidek munosabat bor edi. U to‘pni qabul qildi va men uni yo‘qotadi deb o‘yladim, shuning uchun to‘pni tezroq qaytarib olish uchun yaqinroq turdim. Ammo u, har doimgidek, burildi, keyin yugurishni va aldab o‘tishni boshladi. Yakunda u Pedroni darvozabon bilan birga-bir vaziyatga chiqardi va u gol urdi.
Bu uning to‘pga ilk teginishi edi. Men bunga ishona olmadim. O‘sha lahzadan boshlab, qachon to‘pni qabul qilsam: "Azar qayerda?" deb o‘ylaydigan bo‘ldim. Men har safar to‘pni shunchaki unga oshirishni xohlardim»,-deydi futbolchi.
