Jorje Jezush «Al-Hilol» klubini tark etdi — Osiyo Chempionlar Ligasidagi mag'lubiyat taqdirini hal qildi
Portugaliyalik mutaxassis Jorje Jezush Saudiya Arabistonining «Al-Hilol» klubi bosh murabbiyi vazifasini rasmiy tarzda tark etdi. Bu haqda jamoaning rasmiy sayti xabar berdi. 69 yoshli murabbiy bilan shartnoma klubning OFK Chempionlar Ligasi yarim finalida «Al-Ahli»ga 2:3 hisobida mag'lub bo‘lganidan ikki kun o‘tib bekor qilindi.
Jezush avvalroq bu musobaqada g‘olib chiqishni mavsumdagi asosiy maqsadi ekanini ta’kidlagan edi. Mahalliy musobaqalardagi erishilgan muvaffaqiyatlarga qaramay, Osiyo maydonlaridagi mag‘lubiyat uning kelajagiga jiddiy ta’sir ko‘rsatdi.
Jezushning «Al-Hilol»ga ikkinchi qaytishi davomida klub Saudiya Arabistoni chempionligi, ikki marta Superkubok va Podshoh kubogini qo‘lga kiritdi. Uning shartnomasi yana bir yilga mo‘ljallangan edi. U boshqaruvida jamoa 130 o‘yin o‘tkazib, 101 g‘alaba qozongan, 18 marta durang va 11 marta mag‘lub bo‘lgan. Jamoa bu vaqt mobaynida 354 gol urib, 115 tasini o‘tkazib yuborgan.
A Bola nashrining xabar berishicha, Karlo Anchelottining Braziliya terma jamoasi bilan kelishuvi amalga oshmagach, Jezush bosh murabbiy lavozimiga asosiy nomzod sifatida ko‘rilmoqda.
Aloqador jamoalar va ligalar
