Job Bellingem — \"Borussiya D\" futbolchisi (Romano)
U "asalariylar" bilan kelishuvga erishdi
Photo: Getty Images
“Borussiya D” klubi Job Bellingem transferini hal qildi. Bu haqda insayder Fabrizio Romano xabar berdi.
Dortmund klubi “Sanderlend”ning 19 yoshli yarim himoyachisi uchun 33 million yevro to‘laydi. Yana 5 mln yevro bonuslar va futbolchining keyingi transferidan ingliz klubiga 15% ulush ham bor.
Shu tariqa, “Sanderlend” klubi o‘z tarixidagi eng qimmat transferni amalga oshirdi.
Eslatib o‘tamiz, “Borussiya”da katta Bellingem — Jud (2020-2023) ham o‘ynagan. Dortmund klubi uni 20 mln yevroga sotib olib, 2023 yilda 103 mln yevroga “Real”ga transfer qilgandi.
Roziqjon Sultonmurodov
Jurnalist
