Joau Kanselu: «Portugaliya JCh-2026 favoritlaridan biri bo‘lishi shart»
«Al Hilol» klubi himoyachisi va ijara asosida «Barselona»da to‘p tepayotgan Portugaliya terma jamoasi a’zosi Joau Kanselu o‘z milliy jamoasining JCh-2026 dagi imkoniyatlari haqida gapirdi.
«Futbolchilarimizning mahorat darajasini hisobga olsak, biz JCh-2026 ning asosiy favoritlaridan biri sifatida ko‘rilishimiz kerak. Krishtianu Ronaldu? Ha, albatta, bu unga ham tegishli», — deya Kanseluning so‘zlarini keltirmoqda TNT Sports.
Eslatib o‘tamiz, JCh-2026 bahslarida Portugaliya terma jamoasi «K» guruhida O‘zbekiston, Kolumbiya va hali nomi ma’lum bo‘lmagan yana bir jamoaga qarshi bahs olib boradi.
Jahon chempionati 11 iyundan 19 iyulga qadar uchta mamlakat — AQSH, Kanada va Meksika hududida bo‘lib o‘tadi. Dunyo birinchiligida ilk bor 48 ta terma jamoa ishtirok etadi va ular to‘rttadan 12 ta guruhga bo‘linadi.
