Joau Feliks va Rahim Sterling klublar o'rtasidagi Jahon chempionatini o'tkazib yuboradi
Futbol
Nasrullo Karimov
Jurnalist
FOTO: Getty Images
Londonning “Chelsi” klubi futbolchilari Joau Feliks va Rahim Sterling klublar o'rtasidagi Jahon chempionatini o'tkazib yuboradi. Ushbu futbolchilar londonliklarning turnirda ishtirok etadiganlar ro'yxatiga kiritilmagan.
OAV xabariga ko'ra, “aristokratlar” yozgi transferlar vaqtida har ikki futbolchining o'rniga yangi variantlarni topishni rejalashtirgan.
Ma'lumot uchun, Feliksning “Chelsi” bilan tuzgan amaldagi shartnomasi 2031-yilga qadar mo'ljallangan. U o'tgan mavsumni “Milan”da ijarada o'tkazdi.
Rahim Sterling esa o'tgan mavsumni “Arsenal”da ijara asosida o'tkazdi. 30 yoshli angliyalik futbolchining London klubi bilan tuzgan amaldagi shartnomasi 2027-yilga qadar amal qiladi.
