Joao Pedro APLda avgust oyining eng yaxshi futbolchisi deb topildi
“Chelsi” hujumchisi Joao Pedro Angliya Premyer-ligasida avgust oyining eng yaxshi futbolchisi deb topildi. Braziliyalik futbolchi 2026/27-yilgi mavsumni yuqori saviyada boshladi va ilk ikki turdayoq jamoasining muhim futbolchilaridan biriga aylandi.
Joao Pedro avgust oyida APL doirasida ikkita uchrashuv o‘tkazib, 2 ta gol va 2 ta golli uzatma qayd etdi. U “Fulhem” va “Brayton”ga qarshi bahslarda “Chelsi”ning hujumdagi asosiy yetakchilaridan biri bo‘ldi.
Mukofot uchun Joao Pedro bilan birga uning jamoadoshi Koul Palmer, Rikardo Kalafiori, Mamadu Sangare, Konstantinos Tsolakis, Yoan Vissa va yana bir qator futbolchilar da’vogarlik qilgan edi. G‘olib muxlislar, futbol ekspertlari va APL klublari sardorlari ovozi asosida aniqlandi.
Ma’lumot uchun, Joao Pedro “Chelsi”ga 2025-yil yozida “Brayton”dan kelib qo‘shilgan. U londonliklar safida barcha musobaqalarda 57 ta uchrashuv o‘tkazib, 25 ta gol va 11 ta golli uzatma qayd etgan. Futbolchining klub bilan amaldagi shartnomasi 2034-yil yozigacha mo‘ljallangan.
