Jizzaxda futbol qoidalariga bag‘ishlangan seminar o‘tkazildi
Seminarga tajribali instruktor Konstantin Smirnov va Davron Akmalov rahbarlik qildi.
photo: UzFHM
Jizzaxda futbol qoidalariga bag‘ishlangan seminar o‘tkazildi.
Jizzax viloyati futbol akademiyasi hamda “So‘g‘diyona” PFK qoshidagi futbol akademiyasi murabbiylari, shuningdek, Jizzax viloyati futbol assotsiatsiyasi hakamlari ishtirokida seminar tashkil etildi.
Seminarga tajribali instruktor Konstantin Smirnov va Davron Akmalov rahbarlik qildi.
Seminar davomida Jahon chempionatida amaliyotga tatbiq etilgan futbol qoidalaridagi yangi o‘zgarishlar hamda ularning qo‘llanilishi monitor orqali batafsil tushuntirildi. Shuningdek, ishtirokchilarni qiziqtirgan savollarga mutaxassislar tomonidan atroflicha javob berilib, mavzu yuzasidan zarur tushuntirishlar berildi.
