Jeymi Vardi yozda \"Lester\"ni tark etadi
Photo: Getty Images
"Lester" mavsum yakunida Jeymi Vardining klubdan ketishini e'lon qildi.
"Afsonaviy hujumchi Jeymi Vardi 13 mavsum davomida eng buyuk futbolchimizga aylanganidan keyin yozda "Lester"ni tark etishini tasdiqlaymiz," - deyiladi APLni tark etgan klub xabarida.
Ma'lumot uchun, Vardi "Lester" safida 2012 yildan buyon to'p tepib kelayotgan edi. Bu vaqt davomida u klub safida 498 ta o'yinda maydonga tushib, 198 ta gol urgan.
Shuningdek, “tulkilar” safida 38 yoshli hujumchi Angliya chempioni bo'ldi, mamlakat kubogi va Superkubogini qo'lga kiritdi.
